İran rejiminin Təbrizdə başına buraxdığı tarixi Qaimməqam sarayı tövləyə çevrilib

GADTB-nin Mətbuat Mərkəzinə daxil olan məlumata görə, İran rejiminin Təbrizdə məqsədli şəkildə başına buraxdığı tarixi Qaimməqam sarayı tövləyə çevrilib.

Uzun illər ziyarətçilərə ev sahibliyi edən bu tarixi tikili son dövrlər baxımsızlıqdan yararsız vəziyyətə düşüb. Artıq baxımsızlıq nəticəsində tarixi abidənin qoyunların saxlandığı tikiliyə çevrildiyi bildirilir.

Rejimin Mədəni İrs Təşkilatı həmin tarixi abidəni bərpa etmək yerinə, onun dağılıb getməsinə şərait yaradır. Saray artıq hündür tikililərin arasında uçmaq təhlükəsilə üz-üzə qalıb.

Qeyd edək ki, Təbrizin tarixi Sırxab məhəlləsində Qaimməqam sarayı Nəsirəddin şah Qacar dövründə tikilib.