İrana bağlı xanıma görə Harrisin müşaviri barədə təhqiqat başladı

GADTB-nin Mətbuat Mərkəzinə daxil olan məlumata görə, amerikalı senator Tom Kotton və ABŞ Nümayəndələr Palatasının üzvü Elis Stefanik vitse-prezident Kamala Harrisin müşaviri Fil Qordonun iran əsilli Arin Təbatəbai ilə əlaqələrinə görə təhqiqata başlayıblar. Bu barədə “Vaşinqton Fri Bikon” məlumat yayıb.

Senatorlar Kamala Harrisə məktub yazaraq, müşavirinin İranın ABŞ-da təsir şəbəkəsinin əsas üzvlərindən olan fars şovinizminə bağlı xanım Arin Təbatəbai ilə əlaqələri barədə hesabat istəyiblər.

Onların fikrincə, hazırda Pentaqonda yüksək vəzifə tutan Arin Təbatəbai İran hökumətinin ABŞ-da təsirini artırmaq üçün çalışan əhəmiyyətli fiqurlardandır.

Qeyd edək ki, Arin Təbatəbai təbrizli universitet müəllimi və panfarsizm nəzəriyyəsinin təbliğatçılarından olan Cavad Təbatəbainin qızıdır.