İranın erməniləri müdafiə etdiyini etiraf edən Mütəhhəri İrandan ermənipərəstliyi dayandırmağı tələb etdi

GADTB-nin Mətbuat Mərkəzinə daxil olan məlumata görə, İran İslam İnqilabının əsas ideoloqlarından biri Ayətulla Murtəza Mütəhhərinin oğlu, İran parlament spikerinin keçmiş müavini Əli Mütəhhəri deyib İran rəhbərliyinə müraciət edərək xahiş edib ki, heç olmasa bu dəfə erməniləri himayə etməyin.

O deyib ki, İran Xarici İşlər Nazirliyi Azərbaycanla Ermənistan arasında əvvəlki müharibədə olduğu kimi etnik narahatlıqlara görə ermənilərin tərəfində yer almamağa diqqət yetirməlidir.

Mütəhhəri Azərbaycanın Dağlıq Qarabağda erməni təcavüzünə qarşı apardığı mübarizəni 1980-1988-ci illər İran-İraq müharibəsilə müqayisə edib:

“Sadəcə atəşkəs istəmək və müzakirə çağırışı etmək yetərli deyil. Kimin haqlı olduğunu görmək lazımdır. Bizim vəzifəmiz kimin bu müharibədə haqlı olduğunu bilməkdir”.

Qeyd edək ki, Mütəhhəri dəfələrlə ölkəsinin Ermənistanı Azərbaycanla müharibədə dəstəklədiyini etiraf edib.