GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, İran və nüvə anlaşmasında iştirak edən ölkələr Amerikanın anlaşmaya qayıtmasını müzakirə edəcəklər.
Avropa Komisyasının açıqlamasına görə, toplantıya Avropa Birliyinin Xarici İlişkilər Xidmətinin baş katibinin müavini Enrike Moran rəhbərlik edəcək.
Onlayn görüşdə Rusiya, Çin, İngiltərə, Alman və Fransadan nümayəndələrin də iştirak edəcəyi bildirilib. Toplantıda özəlliklə Amerikanın “Hərtərəfli Birgə Fəaliyyət Planı”na qayıtması müzakirə olunacaq.
Qeyd edək ki, Amerika keçmiş prezident Donald Trampın qərarı ilə 8 may 2018-ci ildə “Hərtərəfli Birgə Fəaliyyət Planı” anlaşmasından çıxıb. Bununla da İrana qarşı sanksiyalar gücləndirilib.
