GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, irqçi fars-molla rejimi Güney Azərbaycan Milli Hərəkatının fəalı Məhəmmədrza (Araz) Əmani Nadarlını həbsə məhkum edib.
Dünən molla rejimin Şəbüstərdəki İnqilab Məhkəməsi azərbaycanlı fəalı 3 ay bir gün müddətinə həbs cəzasına məhkum edib.
Molla rejimin məhkəməsi azərbaycanlı milli fəalı şərləyərək, onu “dövlət quruluşu əleyhinə təbliğat aparmaq”da ittiham edib.
Qeyd edək ki, azərbaycanlı milli fəal Nadarlı kəndində evindən çıxarkən mayın 23-də İran ETTELAAT qüvvələri tərəfindən saxlanılıb. İyunun 10-da isə Təbrizin mərkəzi həbsxanasından zaminə buraxılıb.
Araz Əmani Nadarlı kəndində anadan olub, Pəyamnur Universitetinin psixologiya fakültəsini bitirib. Həm də o, Şebastar şəhərindəki “Mişo Qartalları” rəqs qrupunun rəhbəridir.
