Çərşənbə axşamı , May 28 2024
azfa

İrqçi fars rejim azərbaycanlı fəal İbrahim Nurinin zaminə buraxılmasına mane olur

GADTB-nin Mətbuat Mərkəzinə daxil olan məlumata görə, Tehranda Babək Qalası Qurultayı ərəfəsində irqçi və işğalçı fars rejimin təhlükəsizlik qüvvələri tərəfindən yaxalan azərbaycanlı fəal İbrahim Nuri Evin zindanının 209-cu bölməsində həbsdə saxlanılır.

Evin  Prokurorluğunun 7-ci şöbəsinin müstəntiqi azərbaycanlı fəalın qardaşı Fərəc Nuriyə bildiriblər ki, İbrahim Nurinin yaxın zamanlarda zaminə buraxılmasını gözləməsinlər. Fərəc Nuriyə bildirilib ki, İbrahim son zamanlar geniş fəaliyyətlə məşğul olub, ona görə də yaxın vaxtlarda sərbəst buraxılacağı gözlənilmir.

Babək Qalası Qurultayı ilə əlaqədar yaxalanan fəallardan bir neçəsi bildiriblər ki, irqçi fars rejimin məmurları dindirmə zamanı İbrahim Nuriyə qarşı sərt davranmışlar. Məlumata görə, müstəntiqlər azərbaycanlı fəaldan intiqam almaq üçün məhkəmə orqanlarından icazə aldıqlarını iddia ediblər.

Hüquq ixtisası üzrə təhsil alan İbrahim Nurinin 27 yaşı var. O 14 yaşından mədəni fəaliyyətlərlə məşğul olur, bu müddətdə dəfələrlə təhlükəsizlik qüvvələri tərəfindən saxlanılıb və müxtəlif təzyiqlərə məruz qalıb. Fəal son iki dosyesi ilə əlaqədar sistemin əleyhinə təbliğat aparmaq və milli təhlükəsizliyi pozmağa cəhd göstərmək ittihamı ilə toplam olaraq 16 ay həbs cəzasına məhkum edilib.

Həmçinin yoxlayın

Bu gün İranda növbəti anti-Azərbaycan tədbiri keçiriləcək

“Tələbə” İnformasiya Agentliyi xəbər verir ki, bu gün, mayın 27-si günorta saatlarında Şahed Universitetində “Azərbaycan …

Molla rejimi helikopter qəzasına görə Azərbaycanın tarixi bölgəsinin adını dəyişir

GADTB-nin Mətbuat Mərkəzinə daxil olan məlumata görə, irqçi fars-molla rejimi helikopter qəzasına görə Azərbaycanın tarixi …

Bir cavab yazın