GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, irqçi fars rejim Təbriz sakini olan azərbaycanlı milli-mədəni fəal Davud Şirini 3 il həbsə məhkum edib.
İrqçi fars rejimin Təbrizdə yerləşən İnqilab Məhkəməsinin 1-ci şöbəsi rejimin şərlədiyi azərbaycanlı fəal Davud Şirini iyunun 24-də “Sistemə qarşı təbliğat” və “GAMAC təşkilatına üzv olmaq”ittihamları ilə mühakimə edib.
Məhkəmə qurama ittihamlarla heç bir günahı olmayan fəala 3 il həbs cəzası verib.
Qeyd edək ki, Davud Şiri 2019-cu ilin noyabr ayında benzinin bahalaşmasına qarşı keçirilən kütləvi etirazlar zamanı onlarla digər fəalla birlikdə yaxalanmışdı.
O, bir müddət saxlandıqdan sonra mülki vəsiqə qarşılığında zaminə buraxılmışdı.
Azərbaycan türk millətinin hüquqları uğrunda çalışan 37 yaşlı Davud Şiri ailəlidir və bir övladı var.
