GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, irqçi fars-molla rejiminin Güney Azərbaycandakı əlaltıları Güney Azərbaycanın tarixi abidələrini dağıtmaqda davam edirlər. Son olaraq isə Güney Azərbaycanın Təbriz şəhərində Qacarlar dövrünə aid Babaxan evi bələdiyyə tərəfindən dağıdılıb.
Tarixi abidənin dağıdılması ilə bağlı xəbər sosial mediada yayıldıqdan sonra Şərqi Azərbaycan Vilayətinin Mədəni Miras, Əl Sənayesi və Turizm idarəsinin müavini Əlirza Qoçi dağıdılan abidəyə baş çəkib və söküntünü müvəqqəti dayandırıb.
Qoçi Təbriz bələdiyyəsinin həmin ərazidə apardığı inşaat işləri ilə bağlı Mədəni Miras, Əl İşləri və Turizm idarəsindən heç bir sorğu keçirmədiyini deyib.
Qeyd edək ki, Təbrizin Camışavan məhəlləsində, Babaxan döngəsində yerləşən tarixi abidə 2008-ci ildə 22850 nömrəsi ilə milli abidələr siyahısına salınmışdır.
