GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil lan məlumata görə, Güney Azərbaycanın “Traxtur” və İsfahanın “Sepahan” komandalarının yarışına aid video “433” İnstaqram səhifəsindən silinib.
Sosial media fəalları və idman jurnalistləri məlumatına görə, videoda azərbaycanlı tərəfdarların “Traxtur” komandasını dayanmadan alqışlamaları farsdilli istifadəçilərin narazılığına səbəb olub. Həmçinin tərəfdarların Azərbaycan türkcəsində şüarlar səsləndiriıməsi də fars istifadəçilərin qəzəbi ilə üzləşib.
Onlar videonun silinməsi üçün kampaniya başladıb və Azərbaycan komandasına rəğbəti ifadə edən videonun dünyada 70 milyon izləyicisi olan “433” İnstagram səhifəsindən silinməsinə nail olublar.
Qeyd edək ki, aprelin 3-də Təbrizin Səhənd stadionunda baş tutan qarşılaşmanı izləmək üçün Güney Azərbaycanın müxtəlif şəhərlərindən on minlərlə tərəfdar stadiona toplaşıb. Stadion ətrafında və stadionda toplaşan azarkeşlət Azərbaycan dilində şarlar səsləndirib, plakatlar qaldırıblar. “Hamı Traxturçudu, Təbriz haman Urmudu”, bu torpaqdan pay olmaz”, “Urmu Azərbaycanın ürəyidir” və başqa bu kimi şüarlar səsləndiriblər. Stadionda Azərbaycan və Türkiyə bayraqlarının qaldırılması azarkeşlərin alqışları ilə müşayiət olunub.
