GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, 1988-ci il bu günlərdə yüz minlərlə İraq kürdü Səddam Hüseynin bombardumanlarından canını götürüb Güney Azərbaycana qaçdılar. İndi isə həmin kürdlər onların həyatını qurtaran azərbaycanlıların vətəninə iddiası irəli sürürlər. Dünənki qonaqlar bu gün ev sahiblərini qovmaq və soyqırıma məruz qoymaq istəyir. Üstəlik onlar irqçi fars rejiminin əlində alətə çevrilərək Azərbaycanın məhvinə çalışırlar.
Lakin kimsəyə sirr deyildir ki, təkcə Qərbi Azərbaycan vilayəti deyil, İran adlanan ərazidə inzibati ərazi kimi formalaşdırılan saxta Kürdüstan vilayəti və Kermanşah vilayətində də 400 il öncəyə nəzər salsaq kürddən əsər-əlamət görmərik. Belə ki, hətta son 100 ildə bu vilayətlərinin yer adları və toponimlərinin çoxunun kürdləşdirilməsinə baxmayaraq, hələ də həmin regionda toponim və yer adlarının 70-80 faizi türk mənşəlidir.
Həmçinin orta əsr mənbələrində də indiki Kürdüstan və Kermanşah vilayətləri, həmçinin Dəclə və Fərat çayları sahilinədək bir sıra ərazilər də Azərbaycan ərazisi təqdim edilmişdir.
Son 300-400 ildə kürdlərin Azərbaycana kütləvi və ya tədrici köçü ilə yanaşı müasir dövrdə pəhləvi rejimi zamanı və İslam Respublikası dövründə də həmin rejimlər İraqdan kütləvi şəkildə kürdləri Güney Azərbaycana köçürüb, məskunlaşdırmışlar. Aşağıdakı sənədli filmlərdə də müasir dövrdə kürdlərin Güney Azərbaycana köçürülmələri öz əksini tapmışdır.
Təəssüflə Azərbaycan türk millətinə sığınan mühacir kürdlər, indi Güney Azərbaycanın başının bəlasına çevrilmişlər. Onlar özlərini yerli, yerli azərbaycanlıları isə qonaq adlandırırlar.
