GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, Urmiyanın kürdlərin himayə etdiyi yeni təyin edilmiş bələdiyyə başçısı Məcid Ağazadə Azərbaycan türkcəsi ilə düşmənçiliyə başlayıb.
Ağazadə qurumun mətbu orqanı olan “Şəhərimiz” nəşrinin adını farscaya dəyişdirib. “Şəhərimiz” mətbu orqanı bundan sonra farsca “Peyame şəhr” adlanacaq.
Qeyd edək ki, Urmiyanın keçmiş bələdiyyə başçısı Məhəmməd Həzrətpur yanvar ayının 11-də həbs ediəndən sonra bələdiyyə başçılığına təyin edilən Məcid Ağazadənin fəaliyyəti bu müddətdə tənqidlərlə qarşılaşıb.
Bir müddət öncə Urmiya şəhər şurasının 7 türk üzvündən 6-ı onun yarıtmaz idarəçiliyi ilə bağlı müraciət hazırlayıb. Onlar iyunun 29-da bələdiyyə başçısının impiçmentini tələb ediblər.
Şəhər şurasının 4 kürd üzvü və milliyyətcə türk olan Hüseyn Pənahi isə Məcid Ağazadəni dəstəkləyiblər.
Antitürk bələdiyyə başçısının bu antitürk addımı isə əhalinin ciddi etirazı ilə qarşılaşıb.
