Marağada yük maşını sürücüləri etiraz və tətillərə qoşuldu

GADTB-nin Mətbuat Mərkəzinə daxil olan məlumata görə, Marağa şəhərinin yük maşını sürücüləri Güney Azərbaycanın əksər şəhərlərində keçirilən etiraz və tətillərə qoşulub.

Məlumata görə, Marağada yük maşını sahibləri dövlətdən sığorta haqlarının artırılması, yük daşıma xidmətinin ucuz olması və maşının ehtiyat hissələrinin baha olması məsələlərinə baxılmasını tələb edərək, etirazlara qoşulublar.

Yük maşını sürücüləri maşınları ilə birlikdə Məclis meydanına toplaşıb tətilə başlayıblar. Etirazçılar bildiriblər ki, son bir il ərzində maşının təkər və digər ehtiyat hissələri iki dəfə bahalaşıb. Onlar maşının sığorta haqqının azaldılması və təqaüdə çıxan sürücülərin aylıq maaşının artırılmasını tələb ediblər.

Aksiya iştirakçılarının bildirdiyinə görə, “yük maşını sahiblərinin yük daşıma şirkətləri ilə əməkdaşlığı bir qayda olaraq sürücülərin haqqının tapdalanması ilə nəticələnir və qazandığımız pul şirkət sahiblərinin cibinə gedir. Siğorta haqları və ehtiyat hissələrinin bugünkü qiyməti ilə çalışmaq, yük maşını sahiblərinə sərf etmir.

 

Həmçinin yoxlayın

Amerikadan İrana görə Yaxın Şərqə çox sayda hərbi qüvvə göndərdi

GADTB-nin Mətbuat Mərkəzinə daxil olan məlumata görə, Tehrana ciddi xəbərdarlıq məqsədilə ötən üç həftə ərzində …

Erməni müxalifəti Paşinyanın Qaragöl şousunu ifşa etdi

GADTB-nin Mətbuat Mərkəzinə daxil olan məlumata görə, Ermənistanın Zəngəzur istiqamətində sərhədlərin delimitasiyası və demarkasiyası ilə …

Bir cavab yazın