Molla rejimi Ərdəbildə “casusluq”da təqsirləndirdiyi bir nəfəri həbs edib

GADTB-nin Mətbuat Mərkəzinə daxil olan məlumata görə, irqçi fars-molla rejimin SEPAH-ının kəşfiyyat qüvvələri dünən Ərdəbildə “casusluq” ittihamı ilə bir nəfəri saxlayıb.

Bildirilib ki, həbs edilən şəxs “qonşu ölkələrdən birinin kəşfiyyat xidmətinin təlimatlarını yerinə yetirməkdə” günahlandırılıb.

Terrorçu Sepah-ın bəyanatında bildirilib: “Keçirilən texniki-kəşfiyyat əməliyyatı zamanı casusluq etməyə və qonşu dövlətlərdən birinin kəşfiyyat xidmətinin ehtiyaclarını ödəməyə cəhd edən şəxs tutularaq ədliyyə orqanına təhvil verilib”.

Həbs edilən şəxsin kimliyi və hansı ölkəyə casusluq etdiyi barədə açıqlama verilməyib.