Molla rejimi azərbaycanlı gənci İran bayrağını yandırma ittihamı ilə edama məhkum edib

GADTB-nin Mətbuat Mərkəzinə daxil olan məlumata görə, irqçi fars-molla rejimi azərbaycanlı gənci İran bayrağını yandırma ittihamı ilə edama məhkum edib.

Güney Azərbaycanın Məlikan şəhərindən olan Meysəm Mübrəhən molla rejimi tərəfindən şərlənərək İran bayrağını yandırmaqda günahlandırılıb. Molla rejimi azərbaycanlı günahsız gənci həmin ittihamla edama məhkum edib.

Noyabrın 19-da Məlikanda keçirilən etiraz aksiyalarında iştirak etdiyi üçün həbs edilən gənc azərbaycanlı Marağada rejimin zindanında həbsdə saxlanılır.

Azərbaycanlı gənc Meysəm Mübrəhənin yaxınlarından birinin verdiyi məlumata görə, noyabrın 19-da Məlikanda İran bayrağı hökumətə bağlı qüvvələr tərəfindən yandırılıb və bu etirazçıların separatçı olduğu barədə iddiaları əsaslandırmaq üçün həyata keçirilib.