Molla rejimi azərbaycanlı vəkil Yılmaz Mehrəlibəylini mühakimə etdi

GADTB-nin Mətbuat Mərkəzinə daxil olan məlumata görə, azərbaycanlı milli fəal və vəkil Yılmaz Mehrəlibəyli üçün cinayət işi üzrə məhkəmə prosesi Culfa Baş İnqilab Prokurorluğunun birinci istintaq şöbəsində keçirilib.

Azərbaycanlı vəkilə qarşı irəli sürülən ittihamlar “etiraz aksiyasına çağırış”, “ictimai rəyi pozmaq”, “etnik və pantürkist hərəkətlər”dir. Bu ittihamlara təqdim olunan sənədlər, əsasən, Azərbaycanın siyasi məhbuslarının müdafiəsi ilə bağlıdır.

Yürüş Mehrəlibəylinin qardaşı Yılmaz Mehrəlibəyli Güney Azərbaycan milli hərəkatının tanınmış fəallarındandır. İki il əvvəl ETTELAAT qurumlarının təzyiqi ilə bu azərbaycanlı hüquqşünasa vəkillik lisenziyası verilməsinin qarşısı alınıb. Yılmaz Mehrəlibəyli Şərqi Azərbaycan Hüquqşünaslar Dərnəyinin binası qarşısında etiraz aksiyası keçirib.