GADTB Güney Azərbaycan Demokratik Türk Birliyi
GADTB: Azərbaycanlı vəkil və insan haqları fəalı Sina Yusifi sosial şəbəkə “X”də açıqlama verərək bildirib ki, Tahir Nəqəvi, Vədud Əsədi, Araz Aman, Murtəza Pərvin, Ayaz Seyfxah və Kərəm Mərdanə Evin həbsxanasında “rejim əleyhinə təbliğat” ittihamı ilə üzləşiblər.
Məlumata əsasən, sözügedən siyasi fəallar əvvəllər də siyasi fəaliyyətlə bağlı işlər üzrə saxlanılırdılar. Yeni ittihamların onların həbsxanadakı sağlamlıq vəziyyətinə etiraz etmələri və tibbi yardımdan məhrum edilmələri ilə bağlı şikayətlərindən sonra irəli sürüldüyü bildirilir.
Qeyd olunur ki, bu şəxslər çərşənbə axşamı – 1404-cü il isfand ayının 5-də Evin Prokurorluğunun İstintaq İdarəsinin 5-ci şöbəsinin çağırışı ilə həbsxananın “elektron məhkəmə icraatı” otağında videokonfrans vasitəsilə yeni ittihamla rəsmi şəkildə tanış ediliblər.
