GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, irqçi fars-molla rejimi yarıtmaz siyasətlə Təbriz və Ocan (Bostanabad) arasında yerləşən və dünyanın təbiət abidələri siyahısına salınan Qurugölu tamamilə qurutmaqdadır.
Şərqi Azərbaycan əyalətinin Regional Su Şirkətinin rəisi Yusif Qafarzadə mediaya verdiyi açıqlamasında bununla bağlı deyib ki, Qurugölə axan su qaynaqlarının qarşısı kəsilib, illik su payının yalnız 10 faizi buraxılıb.
Qurugöl İranda beynəlxalq qeydiyyatdan keçmiş və dünya səviyyəsində təbiət abidəsi kimi siyahıya alınmış 26 göldən biridir. 200 hektar sahəsi olan göl 260 adda müxtəlif bitki növünə malik olmaqla yanaşı, çox sayda yerli və köçəri quş növlərinin sığınacaq yeridir.
Qeyd edək ki, molla rejimi Azərbaycanla düşmənçilik zəminində Urmiya gölünü qurudub, bundan sonra isə Qurugölü qurutmaqdadır.
