GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, irqçi fars-molla rejimi kürdlərlə yanaşı son aylarda iraqlı sərmayəçiləri şübhəli şəkildə Təbrizə yerləşdirir. Artıq iraqlı investorlar Təbrizin müxtəlif yerlərində torpaq sahələri və mağazalar alırlar.
Rejimə bağlı banklar və Təbriz şəhər Bələdiyyəsi də bu işdə İraq vətəndaşları ilə çox yaxından əməkdaşlıq edərək, onlara iqtisadi və xidmət cəhətdən çoxlu güzəştlər verirlər.
Bildirilib ki, Təbrizin Səhənd bölgəsi kimi önəmli yerdə bir çox kürd və fars ailələrinin qəsdən məskunlaşdırılmasından sonra indi, növbə deyəsən, İraq vətəndaşlarına çatıb.
Qeyd edək ki, İran hökuməti illərdir ki, digər millətləri məqsədli şəkildə Güney Azərbaycana köçürməklə bölgənin demoqrafik yapısını dəyişməyə və beləliklə Azərbaycan ərazilərini ələ keçirməyə çalışır.
