GADTB Güney Azərbaycan Demokratik Türk Birliyi
GADTB: Dünən Kerman şəhər polisi türkmən futbolçu Sərdar Azmunun aktivləri siyahısında yer alan lüks Porsche markalı avtomobilin aşkar edilərək müsadirə olunduğunu açıqlayıb.
Kerman Polis İdarəsinin rəisi Əkbər Nəcəfinin sözlərinə görə, avtomobil xüsusi nəzarət və axtarış qrupları tərəfindən şəhər daxilində müəyyən edilib.
Məlumata əsasən, İranın Məhkəmə-Ədliyyə Sistemi əvvəlcədən Sərdar Azmunun “düşmənlə əməkdaşlıq etmək” ittihamı ilə bağlı aktivlərinin müsadirə olunmasına qərar vermişdi.
Bildirilir ki, futbolçunun ictimai mövqeyi və sosial media paylaşımları onun milli komandada karyerasına da təsir edib və o, 2026-cı il Dünya Kubokunda iştirak edə bilməyib.
