GADTB-nin Mətbuat Mərkəzinə daxil olan məlumata görə, irqçi fars-molla rejimi Təbrizin Əndişə məhəlləsində Şəkiba məktəbində təhsil alan 16 yaşlı yeniyetmə qız Həsti Həsənpuru qətlə yetirib.
“Azərbaycan İnsan Haqları Cəmiyyəti-ƏRK”-in bildirdiyinə görə yeniyetmə qız məcburi hicab qaydalarına riayət etmədiyi üçün rejimin məmurlarının hücumuna məruz qalıb.
Rejimin məmurları yeniyetmə qızın başından vurduqları üçün o ciddi beyin xəsarəti alaraq, həyatını itirib.
Həsti əsənpurun dekabrın 7-də öldürülməsinə baxmayaraq, ailəsi məsələnin ictimailəşdirilməməsi ilə bağlı rejimin ETTELAAT İdarəsi tərəfindən təhdid edildiyinə görə, bu barədə xəbər gec yayılıb.