Molla rejimi Təbrizdə azərbaycanlı fəal Rza Abdullahi Pirəlilunu həbs edib

GADTB-nin Mətbuat Mərkəzinə daxil olan məlumata görə, irqçi fars-molla rejiminin ETTELAAT məmurları Təbrizdə azərbaycanlı fəal Rza Abdullahi Pirəlilunu həbs edib.

İranın ETTELAAT İdarəsinin məmurları azərbaycanlı mədəni fəalı oktyabrın 16-da yaxalayıblar. Məmurlar həmçinin fəalın evində axtarış aparıb və ona aid bir sıra şəxsi əşyaları müsadirə edərək özləri ilə aparıblar.

Rza Abdullahi Pirəlilunun hələlik həbs səbəbi və harada saxlanıldığı barədə məlumat yoxdur.

Qeyd edək ki, azərbaycanlı mədəni fəal Rza Abdullahi Pirəlilu saz musiqi müəllimi və Təbriz bağlama Evi Musiqi Məktəbinin sahibidir.