Molla rejimi Urmiya gölünün vəziyyətinin ağır olduğuna etiraf etməyə məcbur oldu

GADTB-nin Mətbuat Mərkəzinə daxil olan məlumata görə, fakt qarşısında qalan molla rejimi uzun müddətdən sonra reallığa etiraf etməyə məcbur olub.

İranın Ətraf Mühitin Mühafizə Təşkilatının rəhbəri Əli Səlaceqe Urmu gölünün kritik vəziyyətdə olması ilə bağlı çoxlu foto və faktların dərc edilməsindən sonra gölün vəziyyətinin pisləşdiyini etiraf edib.

O, Qərbi Azərbaycan əyalətinin Urmiya şəhərinə səfəri çərçivəsində və “Urmu Gölü Milli Parkının ekoloji vəziyyətinə baxış” toplantısı zamanı gölün vəziyyətinin beynəlxalq səviyyəli problem sayıldığını, acınacaqlı durumda olduğunu bildirib.

Qeyd edək ki, Urmu gölünün quruması nəticəsində beş milyona yaxın insan bir sıra xəstəliklərin yaranması təhlükəsi ilə üz-üzə qalıb.