GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, Ermənistanın İrandakı səfiri Artaşes Tumanyan bu ölkənin Xarici İşlər Nazirliyinin Avrasiya departamentinin rəhbəri ilə görüşüb.
Görüşdə energetika sahəsində əməkdaşlıqla bağlı mövzular müzakirə olunub.
Ermənistan mediası bu görüşü İranın qaz ixracına başlaya biləcəyi kimi şərh edir.
Erməni şərhçi Akop Badalyan yazır ki, İranın Ermənistana qaz ixrac etməsi məsələsi yeni deyil: “Lakin indiyə qədər layihə reallaşmayıb. Buna səbəb İrana qarşı sanksiyalar və Rusiyanın münasibətidir. Belə bir görüşün bu günlərdə keçirilməsi məsələni aktuallaşdırdı. Çünki Rusiya Ermənistana satdığı qazın qiymətini aşağı salmaqdan imtina etdi. Ermənistan İrana alternativ olaraq baxır. Mümkündür ki, Emənistan İranla yeni energetika əməkdaşlığına başlayacaq. Bu addımlar regionda İrəvan və Tehranın daha da yaxınlaşması ilə nəticələnə bilər”.
