GADTB Güney Azərbaycan Demokratik Türk Birliyi
Tehranın Evin zindanıında 16 qadın məhbus azərbaycanlı İşçi Hərəkatı fəalı Şərifə Məhəmmədi barəsində çıxarılan edam hökmünü pisləyərək, hökmün ləğvini istəyiblər.
Siyasi mıhbuslar bunun hökumətin digər əleyhdarları üçün növbəti ağır hökmlərin başlanğıcı ola biləcəyi haqqında xəbərdarlıq ediblər.
Məlumata görə, 16 qadın məhbus Rəşt şəhərinin Lakan zindanında saxlanılan Şərifə Məhəmmədiyə dəstəklərini açıqladığı bəyanatda yazıb: “Bu ölüm hökmü yalnız Şərifə üçün deyil, biz hamımızın insan haqlarını müdafiə edən bütün qadın fəallar üçün verilən bir hökmdür”.
Bununla yanaşı Evin həbsxanasında saxlanılan 25 kişi, 30 qadın siyasi məhbus isə iylun 11-dən etibarən Şərifə Məhəmmədinin edam hökmünün ləğv edilməsi tələbi ilə aclıq aksiyasına qoşulacaqlarını bildiriblər.
Qeyd edək ki, Şərifə Məhəmmədi keçən il dekabrın 5-də həbs olunub və iyunun 10-da Rəştdə məhkəməsi keçirilib. O, şərlənərək siyasi təşkilatla əlaqədə olmaqda ittiham edilib.
