GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, Təbrizin mərkəzi zindanında həbs cəzası çəkən azərbaycanlı öyrənci Armita Pavir ikinci dəfə aclıq aksiyasına başlayıb.
Təbrizin “Mədəni” Universitetinin molekulyar hüceyrə biologiyası fakültəsinin öyrəncisi, Armita Pavir noyabrın 3-dən ikinci dəfə aclıq aksiyasına başlayıb.
O, həbsxana şəraitinə və tələblərinə məhəl qoyulmamasına, o cümlədən barəsində əsassız ittihamların irəli sürülməsinə və saxta etiraf verməyə məcbur edildiyinə etiraz olaraq aclıq aksiyası keçirdiyini bildirib.
Qeyd edək, məhbus öyrənci tələbləri yerinə yetirilməyənə qədər aksiyasını davam etdirəcəyini açıqlayıb. Azərbaycanlı öyrənci sentyabrın 21-də Təbrizdə rejimin məmurları tərəfindən həbs edilərək zindana salınıb.
