Molla rejimin həbs etdiyi azərbaycanlı qızın həyatı təhlükədədir

GADTB-nin Mətbuat Mərkəzinə daxil olan məlumata görə, irqçi fars-molla rejimin həbs etdiyi azərbaycanlı qızın həyatı təhlükədədir.

Bir müddət öncə Təbrizdə məcburi hicabdan imtina etdiyinə görə rejimin məmurları tərəfindən döyülərək psixiatriya xəstəxanasına aparılan Röya Zakeriyə vəkili ilə görüşməsinə icazə verilmədən Təbrizdə rejimin ETTELAAT İdarəsinə aparılıb.

Azərbaycanlı vəkil Sina Yusifi “X” hesabında Röyanın həyatının təhlükədə olduğunu yazaraq, onun barəsində məlumat paylaşıb:

“Röyanın vəkillə görüşünə icazə verilmir. Ötən il payızda kütləvi etirazlara qatıldığına görə işlə təmin olunmayıb. Röyanın vəziyyəti barədə düzgün məlumat verilmir. Ona görə də həyatı təhlükədədir. Onun səsi olaraq hakimiyyət tərəfindən işkəncə verilməsinə və həyatının itirilməsinə mane olmalıyıq”, – deyə, o, əlavə edib.

Qeyd edək ki, Röya Zakerinin döyüldüyü videosu yayılmışdı və həmin video ilə o ”Təbrizin qızı” kimi məşhurlaşmışdır.