GADTB-nin Mətbuat Mərkəzinə daxil olan məlumata görə, irqçi fars-molla rejimin məmurları dünən Təbrizdə azərbaycanlı milli fəal Araz Amanı həbs edib.
Molla rejimin ETTELAAT məmurları fəalı həbs etdikdən sonra naməlum yerə aparıblar.
Milli fəalın yaxınlarının verdiyi məlumata görə, fevralın 5-də molla rejimin qüvvələri fəalı həbs etmək üçün mülki geyimdə və bir neçə avtomobillə onun atasının evinə hücum ediblər. Lakin azərbaycanlı milli fəal onların əlindən qurtula bilib.
Rejimin ETTELAAT qüvvələri əliboş qayıtmamaq üçün onun atasının evində çalışan iki şəxsi girov götürərək, Arazın təslim olmasını tələb ediblər. Daha sonra isə girovları sərbəst buraxıblar.
Qeyd edək ki, dünən rejimin ETTELAAT qüvvələri onun həyat yoldaşını həbs edəcəkləri ilə hədələyib və daha sonra azərbaycanlı milli fəalı döyərək yaxalayıblar.