Molla rejimin rəhbəri zənginləşdirilmiş uranın ölkədən çıxarılmasına qarşı çıxıb

GADTB: Reuters-in məlumatına görə, İran rəhbərliyi yaxın silah dərəcəsinə çatmış zənginləşdirilmiş uran ehtiyatlarının ölkədən çıxarılmaması barədə göstəriş verib. Bu qərarın ABŞ ilə aparılan danışıqları daha da mürəkkəbləşdirə biləcəyi bildirilir.

İki yüksək rütbəli İran mənbəsi bildirib ki, hakimiyyət daxilində ümumi mövqe ondan ibarətdir ki, zənginləşdirilmiş uran ehtiyatları İrandan çıxarılmamalıdır. İsrail rəsmiləri isə Donald Tramp-ın İsrailə ABŞ-İran arasında mümkün razılaşmanın uranın ölkədən çıxarılmasını da əhatə etməli olduğu barədə zəmanət verdiyini iddia ediblər.

Məlumata görə, Tehran rəsmiləri ehtiyat edirlər ki, bu materialların ölkədən çıxarılması İranı ABŞ və İsrail tərəfindən mümkün növbəti hücumlara qarşı daha zəif vəziyyətə sala bilər. Mənbələrdən biri bildirib ki, Beynəlxalq Atom Enerjisi Agentliyinin nəzarəti altında ehtiyatların durulaşdırılması kimi alternativ variantlar hələ də müzakirə olunur.