GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, molla rejimin həbs etdiyi Güney Azərbaycanın Sayınqala şəhərindən olan tanınmış alpinist Babək Qabilnəjadın taleyindən heç bir xəbər yoxdur.
Fars-molla rejiminin məmurları tərəfindən noyabrın 5-də yaxalanan azərbaycanlı fəalın nədə ittiham olunduğu və harada saxlanıldığı barədə ailəsinə heç bir məlumat verilmir.
Eyni zamanda rejimin məmurları Hüseyn Qabilnejadla görüşə və onun telefon danışmasına da icazə vermirlər.
Bu da fəalın ailəsinin onun sağlıq durumu ilə bağlı nigaranlığına səbəb olub.
Qeyd edək ki, Sayınqaladan olan gənc qız Nəsim Sidqinin oktyabrın 31-də Urmiya şəhərində keçirilən etiraz aksiyasında öldürülməsindən sonra bu şəhərdə rejimin məmurları bəzi fəalları yaxalayıb.
