GADTB-nin Mətbuat Mərkəzinə daxil olan məlumata görə, molla rejiminin həbs etdiyi aərbaycanlı xanım fəal Negin Əhmədidən xəbər yoxdur. Ona görə də fəalın yaxınları onun vəziyyətindən nigəran olduqlarını bildirirlər.
Güney Azərbaycanın Xoy şəhərindən olan azərbaycanlı xanım fəal Negin Əhmədi 19 noyabrda rejimin məmurları tərəfindən həbs edilərək Xoy zindanına aparılmışdı.
Fəalın ailəsi zindan məsulları, məhkəmə sistemi və digər aidiyyəti orqanlara müraciət etdiklərini, ancaq Negin Əhmədi barədə heç bir məlumat ala bilmədikərini bildirirlər.