GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, irqçi fars molla rejimin həbs etdiyi Saleh Molla Abbasi girov qarşılığında zaminə buraxılıb.
Əhər şəhərindən olan azərbaycanlı fəal dünən 1 milyard 200 milyon tümənlik vəsiqə girov qoymaqla rejimin Təbrizdə yerləşən zindanından zaminə buraxılıb.
Qeyd edək ki, azərbaycanlı milli fəal Saleh Molla Abbasi oktyabrın 9-da Əhər şəhərində yaxalanmışdı.
Fəalın ailəsi ilə telefon əlaqəsi saxlamasına da icazə verilmirdi. Saleh Molla Abbasinin telefon danışığına qadağa onun oktyabrın 18-də barəsində edilən haqsızlıq və qanunsuzluqlara görə aclıq aksiyasına başlayacağı barədə ailəsinə verdiyi məlumatdan sonraya təsadüf edirdi.
Fəal 18 oktyabrda ona qarşı haqsızlıq və qanunsuzluqlara görə aclıq aksiyasına başlayacağını bildirmişdi.
Fəalın həyat yoldaşı Homeyra Turabi onun ETTELAAT məmurları tərəfindən saxlanıldığı zaman şəxsi əşyalarının, o cümlədən telefon və komputerinin də aparıldığını bildirmişdi.
