GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, irqçi fars-molla rejiminin yaxaladığı azərbaycanlı milli fəal Səid Sadiqifər oktyabrın 17-də 300 milyon tümən girov qarşılığında məhkəməyə qədər Ərdəbil zindanından zaminə buraxılıb.
Fəalın istintaq prosesi hakim Kamiar Səlimin sədrliyi ilə rejimin Ərdəbildəki Ümumi və İnqilab Prokurorluğunun 7-ci şöbəsində aparılıb.
Molla rejiminin prokuroru Səidi Sadiqifərə qarşı “Ölkənin təhlükəsizliyinə qarşı toplaşmaq, əlbir olmaq və İran İslam Respublikası əleyhinə təbliğat aparmaq” ittihamları irəli sürüb.
Qeyd edək ki, Səid Sadiqifər sentyabrın 22-də özünün iş yerində yaxalanaraq ETTELAAT İdarəsinin təcridxanasına aparılıb. Daha sonra isə o 6 oktyabrda rejimin Ərdəbildəki zindanına köçürülüb.
