GADTB Güney Azərbaycan Demokratik Türk Birliyi
GADTB: Güclü yağışlar nəticəsində Öngüt və Germi bölgələrində sel baş verib.
Ərdəbil əyaləti Valiliyinin Böhranların İdarə Edilməsi üzrə baş direktoru bildirib ki, dünən səhər saat 7-də leysan yağışları nəticəsində Öngüt və Germi rayonlarında sel baş verib. Öngüt bölgələrində Mol lalar, Zivə və ətraf kəndlərdə yaşayış evlərinə və mal-qara tövlələrinə ziyan dəyib.
Kənd sakinlərinin bir sıra mal-qarası tələf olub, kənd evlərinə ziyan dəyib. Evlərin su altında qalması nəticəsində məişət əşyaları və ev avadanlıqları da yararsız hala düşüb.
Bununla əlaqədar, zərər çəkmiş ərazilərə baxış keçirilib. Müəyyən olunub ki, infrastruktur obyektləri, körpülər və şəhərdaxili kanallar da zədələnib. Zivə şəhərində isə köhnə körpünün aşırımlarından biri dağılıb.
