Paşinyan: “İrəvan Ermənistan və İranın yaxşı və dərin əlaqələrinə sadiq qalacaq”

GADTB: İRNA xəbər verir ki, bu gün ölkəsinin İran ilə çox dərin əlaqələri olduğunu vurğulayan Ermənistanın baş Naziri Nikol Paşinyan İrəvanın bundan sonra da bu əlaqələrə sadiq qalacağını bildirib.

Məlumata görə, o, Münhendə  erməni nümayəndələrinin iştirakı ilə keçirilən görüşdə deyib: “İranla yaxşı münasibətlərimiz bəzi ölkələrlə gərginliyə səbəb olur, digər ölkələrlə isə yaxşı əlaqələrimiz İranla gərginlik yaradır. Bizim xarici siyasətimizin məqsədi ölkənin müstəqilliyini, ərazi bütövlüyünü və suverenliyini qorumaqdır”.

2020-ci il 9 noyabr tarixili Azərbaycan, Rusiya və Ermənistan arasındakı üçtərəfli bəyanata toxunan Paşinyan iddia edib: “Rusiya sülhməramlıları 2020-ci il müharibəsi zamanı öz vəzifələrini verinə yetirməyiblər. Həm Rusiya, həm də Azərbaycan bu bəyanatın öhdəliklərini pozublar və bu gün Qarabağda heç bir erməni qalmayıb”./ Azad İran