GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, Radiofərda irqçi fars rejimin həbs etdiyi azərbaycanlı milli-mədəni fəal Şahin Bərzgər barədə proqram yayıb.
Proqramda Şahin Bərzgərin tərcümeyi-halı təqdim edilib.
Proqramda bildirilir ki, Şahin Bərzgər 29 yaşında öyrəncidi və Təbrizdə yaşayır. O son illərdə dəfələrlə yaxalanaraq, həbs edilmişdi. Şahin Bərzgər Azad İslam Universitetində “Tikinti mühəndisliyi” ixtisasında təhsil alıb və əsasən mütaliəyə marağı olan gəncdir. O həmçinin əhaliyə ödənişsiz şəkildə Azərbaycan türkcəsi və ədəbiyyatı tədris edirdi.
Qeyd edək ki, irqçi fars rejimin məmurları Təbriz şəhərindən olan azərbaycanlı milli-mədəni fəal Şahin Bərzgəri iyulun 22-i, axşam saatlarında yaxalayıb. Hazırda o girov qarşılığında məhkəmə vaxtına qədər zaminə buraxılıb.
Keçən il avqust ayında Şərqi Azərbaycanda Apellyasiya məhkəməsinin 28-ci şöbəsinin qərarı ilə 12 ay həbs cəzasına məhkum edilən azərbaycanlı milli fəalın cəzası 3 aya endirilib və həmin cəza 3 milyon tümən nağd cərimə ilə əvəzlənmişdi.
