GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, dekabrın 28-də irqçi fars rejimin ETTELAAT qüvvələrinin Ərdəbildə yaşadığı binanın yanında yaxaladığı azərbaycanlı yazıçı və fəal Siyamək Mirzai şərlənərək zindanda 1 il 10 gün məhkum edildiyi həbs cəzasını çəkmək üçün Tehran zindanına köçürülüb.
Azərbaycanlı fəal dekabrın 29-da ailəsi ilə telefon əlaqəsi saxlayaraq bu haqda məlumat verib.
Qeyd edək ki, Siyamək Mirzai 2019-cu il iyulun 28-də 3 illik məhkumluq dövrünü başa vurduqdan bir ay sonra girov qarşılığında Evin həbsxanasından sərbəst buraxıldı. Siyamək Mirzai rejimin Tehrandakı İnqilab Məhkəməsinin 26-cı şöbəsi tərəfindən 3 il həbs müddətini çəkdikdən və Qain şəhərinə sürgün göndəriləndən sonra yenidən fəalı şərləyək, onu həbsdə olarkən sistem əleyhinə təbliğat aparmaqda ittiham etmişdir. Həmin ittihama görə isə fəal rejimin məhkəməsi tərəfindən 1 il 10 gün həbsə məhkum eedilmişdir. Həmçinin fəalın ölkədən çıxışına və ictimai-siyasi qruplarda üzv olmasına 2 il qadağa qoyulmuşdur.
Azərbaycanlı fəal 2020-ci il iyulun 13-də məhkumluq və sürgün dövrünü başa vuraraq Ərdəbilə qayıtmışdı.
