Çərşənbə axşamı , May 24 2022
azfa

Rejim Tehranda azərbaycanlı fəallar Tohid Əmir Əmini və Kiyanuş Aslanini yaxaladı

GADTB-nin Mətbuat Mərkəzinə daxil olan məlumata görə, işğalçı fars rejimin qüvvələri dünən 2019-cu il fevralın 20-də axşam saatlarında azərbaycanlı milli-mədəni fəallar Tohid Əmir Əmini və Kiyanuş Aslani Tehranın İnqilab meydanında yaxaladı.

Fəalların yaxınlarının bildirdiyinə görə, bundan öncə rejimin təhlükəsizlik qüvvələri fəalların Ərdəbildə yaşayan ailə üzvləri ilə əlaqə saxlayıb, onlara övladlarının mədəni fəaliyyəti ilə bağlı xəbərdarlıq etmişlər. onlar bildiriblər ki, Tohid Əmir Əmini və Kiyanuş Aslani fəaliyyətlərini davam etdirsələr, yaxalanacaqlar.

Qeyd edək ki, azərbaycanlı fəal Kiyanuş Aslani Tehran Azad Universitetində “inşaat mühəndisliyi” ixtisası üzrə təhsil alır. Azərbaycanlı fəal Tohid Əmir Əmini isə Tehranda işlədiyi üçün bu şəhərdə yaşayır.

Azərbaycanlı fəalların hansı səbəbdən saxlandığı barədə hələlik heç bir məlumat verilmir. Onların tanınmış milli-mədəni fəal Abbas Lisaninin saxlanmasına Güney Azərbaycan şəhərləri və Tehranda edilən etirazlarla əlaqədar olduğu ehtimal edilir.

Azərbaycanlı fəallar Azərbaycan türk millətinin hüquqları uğrunda fəaliyyət göstərdikləri üçün bundan öncə də yaxalanıb və təzyiqlərlə qarşılaşmışlar.

 

Həmçinin yoxlayın

Azərbaycanın Şamaxı şəhəri türk dövlətlərinin turizm paytaxtı seçildi

GADTB-nin Mətbuat Mərkəzinə daxil olan məlumata görə, Azərbaycanın Şamaxı şəhəri 2023-cü il üçün türk dövlətlərinin …

Çinin uyğur türklərinə qarşı soyqırımı sənədləşdirilib

GADTB-nin Mətbuat Mərkəzinə daxil olan məlumata görə, Böyük Britaniyanın Xarici İşlər Naziri Liz Truss bildirib …

Bir cavab yazın