Rusiya Krım türklərini “Çin üsulu” ilə məhv edir

GADTB-nin Mətbuat Mərkəzinə daxil olan məlumata görə, Krım tatarlarına qarşı sistemli şəkildə təzyiqi artıran Rusiya buranı “qorxu yarımadası”na çevirir.

Bu yolda Rusiyanın Çinin Şərqi Türküstandakı təcrübəsindən yararlanacağı bildirilir. Bunun üçün Rusiya tərəfi Krımda Hizbut Təhrir təşkilatı tərəfdarları üçün reabilitasiya mərkəzləri açmağı planlaşdırır.

Rusiya Dumasının deputatı Ruslan Balbek bildirib ki, sözügedən mərkəz Rusiya Federal Təhlükəsizlik Xidmətinin nəzarətində, Əmirəli Ablayevin rəhbərliyi altında Krım və Sevastopol Müsəlmanları Dini İdarəsinin nəzdində açılacaq.

Qeyd edək ki, Çin hökuməti sözügedən üsulla uyğur türklərinə qarşı təzyiq göstərir. Onları daim nəzarət altında saxlayır.