GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, Ərdəbildə rejimin zindanının 7-ci bölməsində həbsdə saxlanılan azərbaycanlı siyasi məhbus Abbas Lisaninin səhhəti pisləşdiyi üçün xəstəxanaya aparılıb.
Azərbaycanlı siyasi məhbus bel diski ağrılarının çoxaldığı üçün yanvarın 2-i axşam saatlarında Ərdəbilin “İmam Əli” xəstəxanasına aparılıb.
Abbas Lisanini müayinə edən həkimlər onun sağlıq durumunun ağır olduğu və yenidən əməliyyata ehtiyac olduğunu bildiriblər.
Həkimlər bildiriblər ki, cərrahiyyə əməliyyatı gecikdirilsə zədələr bədxassəli şişin meydana gəlməsinə səbəb ola bilər. Ona görə də, həkimlər Ərdəbil zindanının rəhbərliyinə məktub yazaraq Abbas Ləsaninin əməliyyat olunmasının zəruriliyini vurğulayıblar.
Qeyd edək ki, keçən azərbaycanlı siyasi məhbus Abbas Lisani əməliyyat olunduqdan sonra həkimlərin tibbi məzuniyyətinin müddətinin uzadılması barədə arayışlarına baxmayaraq, ETTELAAT-ın təzyiqi və rejimin Ərdəbildəki prokuroru Abdullah Təbatəbayinin göstərişi ilə onun məzuniyyət qərarı ləğv edilərək avqustun 27-i günorta saatlarında zindana salınmışdı.
