GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, Güney Azərbaycanın müxtəlif şəhərlərindən bir qrup azərbaycanlı milli-mədəni fəal və dağçı Savalan dağında toplaşıb plakatlar açmaqla Urmiya gölünü qurudan İran rəsmilərinə öz etirazlarını bildiriblər.
Güney Azərbaycan şəhərləri -Təbriz, Xiyov, Muğan, Sulduz, Tehran və Ərdəbildən olan azərbaycanlı milli-mədəni fəallar aşağıdakı şüarlar yazılmış plakatlar açıblar:
“Urmu gölü olmasa mən Savalan daşacağam,
Urmu gölüm səni yaşatmaq üçün hər an selə dönə bilərik
Urmu gö… çölü bir acı ölümə bir addım qalır”
Qeyd edək ki, azərbaycanlı fəallar hər il bu günlərdə İran rejiminin ciddi nəzarətinə baxmayaraq Savalan dağına gedir və orada İran rejiminin anti-Azərbaycan siyasətinə etiraz edib, milli şüarlar səsləndirirlər.
İran rejimi Urmiya gölünü qurutmaqla Azərbaycanı xarabalığa çevirmək istəyir. Bu isə haqlı olaraq azərbaycanlı fəalların etirazı ilə qarşılaşıb. Etirazlardan sonra gölün bərpasına söz verən rejim öz sözünü tutmayıb, əksinə Xəzər və Körfəzdən farsların yaşadığı çöllərə su milyardlar xərcləməklə su çəkiblər.
