GADTB Güney Azərbaycan Demokratik Türk Birliyi
GADTB: SEPAH-ın İctimaiyyətlə Əlaqələr İdarəsi yaydığı bəyanatda bildirib ki, cümə günü səhər saatlarında Hörmüz boğazında iki neft tankerinə hücum həyata keçirib. SEPAH həmçinin tankerlərdən birində baş verdiyi iddia olunan yanğını əks etdirən görüntülər yayımlayıb.
Bəyanatın yayılmasına baxmayaraq, indiyədək dəniz təhlükəsizliyi və beynəlxalq dəniz daşımalarına nəzarət edən heç bir beynəlxalq təşkilat Hörmüz boğazında belə bir hadisənin baş verdiyini təsdiqləyən məlumat yaymayıb.
SEPAH hücuma məruz qaldığını bildirdiyi iki tankeri “qayda pozan” adlandırıb və iddia edib ki, həmin gəmilər İran İslam Respublikasının müəyyən etdiyi marşrutlardan kənar hərəkət etdiklərinə görə hədəfə alınıblar.
