Təbriz səhiyyə işçiləri əmək haqqı ayrı-seçkiliyinə etiraz edir

GADTB: Təbriz Səhiyyə Mərkəzinin əməkdaşları Təbriz Tibb Universitetinin qarşısında toplaşaraq maaşların ödənilməsində ayrı-seçkiliyə və bəzi sosial ödənişləri ala bilməmələrinə etiraz ediblər.

Etirazçılar əllərində plakatlarla məsul şəxslərdən onların sosial-rifah vəziyyətinə diqqət yetirilməsini və maaşların ödənilməsi sistemindəki problemlərin aradan qaldırılmasını tələb ediblər.

Onlar əməkhaqqı və əlavə ödənişlərlə bağlı mövcud fərqlərin aradan qaldırılması, həmçinin əmək hüquqlarının təmin olunması üçün aidiyyəti qurumların tədbir görməsini istəyiblər.