Təbrizdə aksiya: “Urmiya gölünün məhv edilməsi Azərbaycan millətinin məhv edilməsi deməkdir”

GADTB-nin Mətbuat Mərkəzinə daxil olan məlumata görə, Təbrizdə azərbaycanlı fəallar Urmiya gölünün qurudulmasına qarşı aksiya keçiriblər.

26 noyabr səhər saatlarında Təbriz azərbaycanlı mədəni və ətraf mühit fəalları şəhərin müxtəlif küçələrində plakardlar açıb, posterlər yapışdırmaqla Urmiya gölünün qurudulmasına, gölün bərpası ilə bağlı vədlərin yerinə yetirilməməsinə öz etirazlarını bildiriblər.

Müxtəlif yerlərə yapışdırılan posterlərdə türk və fars dillərində “Urmiya gölünün məhv edilməsi Azərbaycan millətinin məhv edilməsi deməkdir”  şüarı yazılıb. Həmçinin posterlərdə “Urmiya gölünü bizə qaytarın”, “Urmiya gölünü qurtarın”, “Yaşasın Urmiya gölü” və başqa şuarlar yazılmışdır.

Bu aksiya ilə azərbaycanlı fəallar Urmiya gölünün qurudulmasına etirazlarını bildirib və gölün bərpa edilməsini istəyiblər.