GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, Təbriz bələdiyyəsinin məmurları və qurumla müqavilə əsasında əməkdaşlıq edən podratçı şirkətlərin yiyəsiz itlərə qarşı qəddarlıq nümayişi heyvansevər əhalinin ciddi etirazıpna səbəb olub.
Yiyəsiz itlərə qarşı amansız davranış, heyvanların öldürülməsi ilə bağlı yayılan video və fotolor heyvansevərlərin etirazına səbəb olub.
Bir qrup təbrizli heyvansevər xanım bələdiyyə işçilərini hadisə yerindən uzaqlaşmağa məcbur edib və zincirlənən itləri sərbəst buraxıblar.
Heyvansevərlər həmçinin şəhərdə toplaşaraq Təbrizin bələdiyyə başçısına qarşı etiraz aksiyası keçiriblər.
Əhalinin etirazları nəticəsində məsələyə münasibət bildirən Təbriz bələdiyyəsinin nümayəndəsi yiyəsiz itlərin toplanaraq şəhərdən qırağa köçürüləcəyini bildirib.
