GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, bir qrup azərbaycanlı fəal Təbrizin ictimai yerlərində molla rejimin həbs etdiyi azərbaycanlı milli fəal, tanınmış idmançı Kərim İsmayilzadəyə dəstək məqsədi bildiriən posterlər yayıblar.
Yayılan posterlərdə Kərim İsmayılzadənin həbsinin sifarişli və ədalətsiz olduğu bildirilib və onun sərbəst buraxılması istənilib.
Fəalların yaydığı posterlərin üzərində həmçinin “türk özgürlüyü yolunda ölümə doğru elə gedərik ki, ölüm bizdən qorxar” mətni yazılıb.
Qeyd edək ki, “insanları kiberməkanda zorakı hərəkətlərə təhrik və dəvət etmək”də günahlandırılan İsmayılzadə aprel ayının 17-də həbs edilib və 6 aylıq məhkumluq dövrünü yaşamaq üçün Təbriz həbsxanasına köçürülüb.
Bir neçə xəstəlikdən əziyyət çəkən fəal iyunun 25-də mədə qanaxması və vəziyyətinin ağırlaşması ilə polis nəzarətində və ayaqları qandallı xəstəxanaya köçürülmüşdü.
