GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, Təbriz şəhərində Urmiya gölü ilə bağlı həbs edilənlər iyulun 17-də ittihamlarının elan edilməsi üçün məhkəməyə aparılıblar.
Azərbaycanlı milli fəallar Həmid Purvəli, Yunis Quluzadə, Calal Dehqani, İslam İmani, Məhəmməd Mustafayi, İbrahim Azəroğlu və Həkimə Əhmədi Urmi gölünün bərpasına İran hökumətinin laqeyd münasibətinə görə çağrılan dinc mitinqə qatılmaq istədikləri üçün irqçi fars rejimin məmurları tərəfindən həbs ediliblər.
Həmin fəalların hamısını bundan öncə də dinc mədəni fəaliyyətlərinə görə həbs ediliblər.
Urmiya gölünün qurudulmasına qarşı dünən iyulun 16-da Güney Azərbaycan şəhərlərində keçirilən mitinqlər zamanı kimlikləri müəyyənləşdirilən məhbusların sayı 18 nəfərə çatıb. Fəallardan 7 nəfəri Təbrizdə, 6 nəfəri Urmuda, 1 nəfəri Sulduzda və 4 nəfəri isə Qoşaçayda yaxalanıb.
