Təbrizdə Urmiya gölünün qurudulmasına etiraz olaraq posterlər yapışdırıldı

GADTB-nin Mətbuat Mərkəzinə daxil olan məlumata görə, Təbriz şəhərində bir qrup azərbaycanlı milli fəal Urmiya gölünün qurudulmasına etiraz olaraq posterlər çap edərək, şəhərin müxtəlif yerlərində divarlara yapışdırdılar.

Bununla da azərbaycanlı fəallar Urmiya gölünün qurudulmasına etiraz etməklə yanaşı Azərbaycan Milli Hərəkatının mühüm mesajlarını xatırladıblar.

Azərbaycanlı milli fəallar Urmiya gölünün qurudulmasına qarşı etiraz şüarları ilə yanaşı həmçinin aşağıdakı şüarları yazmışlar:

“İstiqlal bayrağımızı Güney Azərbaycanda görəcəyik!

Gəlin əl-ələ verib milli varlığımıza sahib çıxaq!

Urmu və Araz üçün birlik!

Azərbaycan cavanlarının üzərinə çox ağır məsuliyyət düşür. Təbiətimiz, ana dilimiz, varlığımız, Urmu gölü təhlükə qarşısındadır. Vətənə sahib çıxmalıyıq!”