GADTB-nin Mətbuat Mərkəzinə daxil olan məlumata görə, bu gün Təbriz, Ərdəbil və digər bir çox şəhərdə narazı müəllimlər etiraz mitinqi keçirdilər.
Mitinqlərdə sıralanma ilə bağlı qanunun tam icrası, pensiyaların bərabərləşdirilməsi və həbsdə olan müəllimlərin azadlığa buraxılması tələb edilib.
Dünən İranın təhlükəsizlik qüvvələri müəllimlərin həmkarlar ittifaqının fəalları Əli Əkbər Bəqani, Rəsul Budaqi, Məhəmməd Həbibi və Cəfər Ebrahimini həbs edib.
Qeyd edək ki, son zamanlar müəllimlər və təhsil işçiləri əmək haqlarının olduqca aşağı olması və özlərinə qarşı ədalətsizliyə dəfələrlə etiraz ediblər. İran rejimi isə çox sayda fəal müəllimi həbs edib.