GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, bu gün Təbrizin Mərkəzi zindanında üsyan baş verdiyi bildirilir. Bnunla bağlı yayılan videodan da atəş açıldığı müşahidə edilir.
Zindanın daxilindən mətbuata sızdırılan məlumata görə zindanın 9-cu bölməsinin məhbuslar iki əsgərin silahını ələ keçirib və atəş açmaqla başqa məhbusları girov götürmüşlər. Onların heç kimi giriş və çıxışına icazə vermədiyi bildirilir.
Zindanın üçlük bölməsində məhbuslar adyalları toplayaraq yandırıblar. Ona görə də zindanın tüstü bürüyüb.
Zindanın 7-ci bölməsində məhbuslarla rejimin təhlükəsizlik qüvvələri arasında toqquşma baş verdiyi bildirilir.
Xüsusi qvardiya zindanın ətrafına yeridilib və zindanı nəzarətdə saxlayırlar.
Bundan öncə isə məhbuslardan bəzilərinin qaçmağa müvəffəq olduğu və atışma nəticəsində yaralananların olduğu bildirilirdi.
Qeyd edək ki, rejimin Çindən gətirdikləri koronavirusu Qumda, oradan isə başqa şəhərlərdə yaydıqdan sonra bir sıra zindanlarda üsyan baş verib.
