GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə,Təbriz şəhərində dini heyətdə münaqişə xəbərini dərc edən təbrizli jurnalist Fatimə Qalipurun məhkəməsi oktyabrın 19-da keçiriləcək.
Xanım Qalipur X sosial şəbəkəsində Təbriz məhkəməsindən çağırış vərəqəsinin alındığını xəbər verərək, yazıb: “Məhkəməyə gəlmək üçün bildiriş aldım. Bu bildirişə görə, mən ayın 19-da mühakimə olunmalıyam
“Təbrizdə əza mərasiminə hücum” xəbərini dərc etdiyinə görə!
Mən bilmirdim ki, bu şəhərdə vəzifə borcumu yerinə yetirdiyim üçün məni məhkəməyə çəkəcəklər!”
Bu Təbrizli müxbir özünün Təbrizdə rejimin Təhlükəsizlik Polisi tərəfindən döyülməsi barədə daha əvvəl məlumat paylaşmışdı.
Qeyd edək ki, jurnalist Fatimə Qulipur Gəncəli Təbrizdə əzadarlıq mərasiminə hökumət qüvvələrinin hücumu və orada baş verən münaqişəni işıqlandırmasından sonra Təbriz şəhər prokuroru Məhbub Əlilu tərəfindən məhkəmədə barəsində cinayət işi açılacağı ilə hədələnmişdi.
